Адрас: 212030, г. Магілёў, вул. Міронава, 33



Магілёўскі абласны мастацкі музей заснаваны 19.11.1990 г. Ён размяшчаецца ў помніку архітэктуры пачатку XX ст., які мае рысы мадэрну, псеўдарускага і позняга класіцызму (архітэктар А. Друкер). У 1994 г. П.В. Масленікаў перадаў у дар гораду Магілёву 125 твораў жывапісу і тэатральна-дэкаратыўнага мастацтва. Падарунак стаў асновай фондаў Абласнога мастацкага музея яго імя. Фонды музея на 01.01.2012 г. налічваюць 3975 адзінак захоўвання. У 2002 г. адкрыты мемарыяльны зал, прысвечаны творчасці мастака-скульптара Ул.М. Летуна. Экспазіцыя "Захаваная спадчына" знаёміць з самабытнай матэрыяльнай і духоўнай культурай мінулых пакаленняў, дзякуючы якім у беларускае мастацтва ўвайшлі такія паняцці, як "магілёўская школа дойлідства", "магілёўская разьба", "магілёўская кніжная графіка", "магілёўскі фрэскавы жывапіс", "магілёўскі іканапіс", "магілёўская школа керамікі". З 5 снежня 2008 г. стаў функцыянаваць мемарыяльна-мастацкі зал, прысвечаны творчасці К.М. Геды. Экспазіцыя "Выяўленчае мастацтва Магілёўшчыны XX стагоддзя" прадстаўляе рэтраспектыўны паказ мастацкай творчасці і ўключае ў сябе 200 твораў жывапісу, графікі, скульптуры, дэкаратыўна-прыкладнога ма-стацтва. Важнейшым аспектам дзейнасці музея з'яўляюцца кантакты з бліжнім і далёкім замежжам на аснове выставачнай дзейнасці і правядзення штогадовага Міжнароднага пленэра па жывапісу "Вобраз Радзімы ў выяўленчым мастацтве", прысвечанага знакамітым ураджэнцам зямлі магілёўскай.

Першы нацыянальны форум "Музеі Беларусі". Каталог музеяў. Міністэрства культуры Рэспублікі Беларусь, 2012.

Дадатковыя крыніцы аб музеі:

Магілёўскі абласны мастацкі музей імя П.В. Масленікава. Ekskursii.by
Магілёўскі абласны мастацкі музей імя П.В. Масленікава. Музеи Беларуси вместе с Белкарт

Каляндар мерапрыемстваў


« Красавік 2017 »
ПндАўтСерЧцвПятСубНядз
12
3456789
10111213141516
17181920212223
24252627282930

Афiша мерапрыемстваў




®